Mahastizaintza eta Ardogintza Eskola 1996an sortu zuten, Biasterin (Arabako Errioxa). Eskolaren helburua eskualdeko gazteak mahastizaintza eta ardogintzarako prestatzea da, bai lan-bizitzaren hasiera-hasieratik jarduera horretan aritzen diren gazteak, bai jardueran hasi nahi dutenak. Eskolan mahastizaintzari eta ardogintzari buruz ematen den ikastaro trinkoa 600 ordu ingurukoa da, bi ikasturtetan banatutako bi alditan: lehen ikasturtean, mahastizaintzako eta enologiako gaiak ematen dira (300 ordu), azarotik hurrengo urteko apirilera arte; bigarren ikasturtean, berriz, enpresa-kudeaketarekin, marketinarekin, enoturismoarekin eta abarrekin lotutako gaiak ematen dira (300 ordu, aurreko ikasturterako aipaturiko sasoi berean).

Badaude kontuan hartzeko beste jarduera batzuk: bisitak upeltegietara eta beste jatorrizko deitura bat duten lekuetara, praktikak inguruko ustiategietan, etab.

Eskolako jarduerak Arabako Errioxa osoan egin dira, baina azken urteotan, Assa Ikastolak (Lapuebla de Labarca) lagatako ikasgeletan eman dira eskola gehienak. Halaber, praktikak egiteko, eskolak inguruko upeltegien eta mahastizaintzako ustiategien laguntza handia du.

KOORDINATZAILEA: MIRIAM ELORZA